1Sa 13 | TVK | STEP |

1 Samuel 13

Sol Tahusil Xat Rae na Iahova ti, Ma Iahova Misin Lelaxatien Nan

1 Samuel 13:13-14; 15:1-4, 7-23, 27-29, 34-35

13 Melele xa Samuel mei mistal e pusi xa Sol tepol ni sanien eo ngamu, xi biteni mini bitene, “Sexien te talangen iaxa di opol ni iaxai. Otahusil xat ti sepinien na Iahova xa be Hi nam. Vahit ovusil xat sepinien nan, ma xi mikila vamaen xouk e horamue nam xil xa ti litutou ni xouk mei mulaxat mol-Isrel xil ha vuma ... navus ti. 14 E taxeak, lelaxatien nam mei imeot tak. Vengan xa otahusil xat ti sepinien nan, Iahova ikamet moletin tova xa nenemien nan imal ixoni nenemien nan. Hisit moletin ak vari, Iahova ilingi ilaxat moletin nan xil.”